Ақтөбеде «Әділет» партиясының республикалық сайлауалды штабы ұйымдастырған әйелдер форумы өтті.
Қостанай атынан форумға «Әділет» партиясы әйелдер қанатының атынан Гүлсара Жаманқұлова, Людмила Олкинян, Ботакөз Бидаулетова, Мира Мұратқызы қатысты.
Іс-шарада отбасы институтын нығайту, ана мен бала денсаулығы, әйелдер кәсіпкерлігін дамыту, әйелдер мен балалардың құқықтарын қорғау, сондай-ақ әйелдердің қоғамдық-саяси өмірдегі рөлін арттыру мәселелері кеңінен талқыланды. Форум барысында партия төрағасы Айбек Дәдебай отбасы институтын нығайту, әйелдер мен балалардың құқықтарын қорғау және әйелдердің мемлекеттік шешім қабылдау үдерісіне кеңінен қатысуы партияның басты басымдықтарының бірі екенін атап өтті. Сонымен қатар денсаулық сақтау, профилактикалық медицина, жаңа жұмыс орындарын құру және әйелдер кәсіпкерлігін қолдау бағытындағы бастамалар таныстырылды.
«Әділет» партиясы үшін отбасы құндылықтарын қолдау, әйелдердің әлеуетін арттыру және балалардың қауіпсіздігін қамтамасыз ету – басты міндеттердің бірі.