Ауыл әйелдерінің көшбасшылығы: әлеуметтік жобалар
«AMANAT» партиясы Келес аудандық филиалы жанындағы облыстық Әйелдер қанатының ұйымдастыруымен «Ауыл әйелдерінің көшбасшылығы: әлеуметтік жобалар» тақырыбында дөңгелек үстел өтті. қатысушылар өз ой-пікірлерін ортаға салып, ауыл әйелдерінің белсенділігін арттыру, әлеуметтік жобаларды қолдау бағытындағы ұсыныстарын білдірді.
Келес ауданында «AMANAT» партиясы Келес аудандық филиалы жанындағы облыстық Әйелдер қанатының ұйымдастыруымен «Ауыл әйелдерінің көшбасшылығы: әлеуметтік жобалар» тақырыбында дөңгелек үстел өтті.
Іс-шараға облыстық Әйелдер қанатының өкілі Манахова Ғалия Қанағатқызы, «AMANAT» партиясы Келес аудандық филиалының өкілдері, ауылдық округтерден келген белсенді әйелдер, кәсіпкер әйелдер, сондай-ақ қоғамдық ұйым мүшелері қатысты.
Дөңгелек үстелдің негізгі мақсаты – ауыл әйелдерінің қоғамдағы рөлін арттыру, олардың көшбасшылық қабілеттерін дамыту, әлеуметтік маңызы бар жобаларды қолдау және тәжірибе алмасу алаңын қалыптастыру болды.
Жиын барысында ауылдық жерлердегі әйелдердің әлеуметтік бастамалары, кәсіпкерлік жобаларды іске асыру мүмкіндіктері, мемлекеттік бағдарламалар аясында көрсетілетін қолдау тетіктері кеңінен талқыланды. Сонымен қатар, әйелдердің жергілікті деңгейде әлеуметтік мәселелерді шешуге белсенді араласуы, қоғамдық өмірге қатысуын күшейту бағытында бірқатар ұсыныстар айтылды.
Кездесу соңында қатысушылар өз ой-пікірлерін ортаға салып, ауыл әйелдерінің белсенділігін арттыру, әлеуметтік жобаларды қолдау бағытындағы ұсыныстарын білдірді. Мұндай форматтағы іс-шаралар алдағы уақытта да жалғасын тауып, жүйелі түрде өткізілетін болады.