Әйел денсаулығы, отбасы құндылығы және ұрпақтар сабақтастығы

Қазақстан Республикасының Жоғары білім қызметкерлері күні қарсаңында М. Қозыбаев атындағы Солтүстік Қазақстан университетінде ғалымдардың студент жастармен кездесуі өтті. Кездесу әйелдер денсаулығын нығайтуға және отбасы институтын қолдауға арналды.

Жастармен педагогика ғылымдарының кандидаты Квасных Галина Сергеевна және PhD докторы Макажанова Жұлдыз Мақсұтқызы кездесті. Ғалымдар өздерінің кәсіби және өмірлік тәжірибелерімен бөлісіп, қазіргі қоғамдағы әйелдің орны, білім мен ғылымның маңызы, денсаулыққа жауапкершілікпен қарау, отбасылық құндылықтар, кәсіби даму мен отбасылық өмір арасындағы үйлесім туралы ой қозғады.

Мұндай кездесулердің басты құндылығы – ұрпақтар арасындағы ашық диалог. Жастар үшін ғылым мен кәсіби ортада өз орнын қалыптастырған тұлғалармен тікелей пікірлесіп, көкейдегі сұрақтарын қойып, олардың өмірлік тәжірибесінен тағылым алу маңызды.