ӘЙЕЛДЕР ҚАНАТЫ ҒЫЛЫМҒА ҰМТЫЛҒАН ЖАСТАРМЕН КЕЗДЕСТІ
Кездесудің негізгі мақсаты – әйел ғалымдардың тәжірибесін жастарға жеткізу, ғылымға қызығушылықты арттыру және білім мен ғылым саласындағы кәсіби мүмкіндіктер туралы ашық пікір алмасу
«Әділет» партиясы Түркістан облыстық филиалы Әйелдер қанатының бастамасымен «Ғылымдағы әйелдер» тақырыбында кездесу өтті.
Іс-шарада ғалым әйелдер жастарға ғылымдағы тәжірибесімен бөлісіп, білімге ұмтылу, үздіксіз іздену және заманауи технологияларды меңгерудің маңызын атап өтті.
«Әділет» партиясының құндылықтарының қатарында еңбекқорлық, жауапкершілік және прогресс қағидаттары айрықша орын алады. Бұл құндылықтар білім мен ғылым саласында да маңызды. Өз ісіне жауапкершілікпен қарап, үздіксіз білім алуға және жаңа дүниені үйренуге ұмтылған жас – елдің болашағына инвестиция жасайды.
Бүгінгі кездесудің негізгі мақсаты – әйел ғалымдардың тәжірибесін жастарға жеткізу, ғылымға қызығушылықты арттыру және білім мен ғылым саласындағы кәсіби мүмкіндіктер туралы ашық пікір алмасу.
Кездесуде қыздардың ғылымға қызығушылығын арттыру, ғылыми орта мен жастар арасындағы байланысты нығайту мәселелері талқыланды.
Жастар ғалымдарға өз сұрақтарын қойып, пікір алмасты. Іс-шара соңында қатысушылар колледждің материалдық-техникалық базасымен танысты