Қариялар тағылымы -ұлттың рухани қазынасы
Қарттарымызбен бірге "Белсенді ұзақ өмір" орталығында
ҚАРТТАРҒА ҚҰРМЕТ — ҰРПАҚҚА МІНДЕТ!
«Әділет» партиясы Отырар аудандық филиалы мен Әйелдер қанатының ұйымдастыруымен «Белсенді ұзақ өмір» орталығында Халықаралық қарттар күніне орай «Қарттарға құрмет — ұрпаққа міндет» атты мерекелік іс-шара өткізілді. Жиын барысында партияның Отырар аудандық филиалының төрағасы Ұлан Абдрахимов пен Әйелдер қанатының жетекшісі Тынышкүл Едигеева аға буын өкілдерін арнайы құттықтап, қарияларға құрмет көрсету тек мерекемен шектелмейтін тұрақты міндет екенін атап өтті. Салтанатты жиын барысында бүлдіршіндер арнау өлеңдерін оқып, арнайы әндер шырқап, жас бишілер қарттармен бірге флешмоб билеу арқылы орталық қонақтарына көтеріңкі көңіл-күй сыйлады. Ауданның сарқылмас қазынасы саналатын қарияларға тағзым етуге бағытталған бұл іс-шара ұрпақтар сабақтастығын нығайтып, қатысушылардың ыстық ықыласымен мәресіне жетті.