КЕЛЕС АУДАНЫ: ОТБАСЫ ҚҰНДЫЛЫҒЫ – ҚОҒАМ ТҰРАҚТЫЛЫҒЫНЫҢ ТІРЕГІ
Келес ауданында «Әділет» партиясы Келес аудандық филиалы жанындағы Әйелдер қанатының жетекшісі Тұржанова Камила медицина саласының қызметкерлерімен «Халықаралық отбасы күні» апталығы аясында кездесу өткізді. Басқосуда отбасы институтын нығайту, ата-ананың бала тәрбиесіндегі жауапкершілігі, жас ұрпаққа дұрыс бағыт-бағдар беру және отбасындағы өзара түсіністік пен сыйластықты қалыптастыру мәселелері сөз болды.
Сонымен қатар, отбасы құндылықтарын дәріптеу арқылы қоғамдағы адамгершілік, жауапкершілік және өзара қолдау мәдениетін қалыптастырудың маңызы атап өтілді.
Әйелдер қанатының жетекшісі Камила Тұржанова отбасы – бала тәрбиесі мен тұлғалық қалыптасудың алғашқы әрі маңызды ортасы екенін айтып, әрбір ата-ана өз баласына үлгі болу арқылы ел болашағына үлес қосатынын жеткізді.
Берік отбасы – саналы ұрпақтың, ал саналы ұрпақ – әділетті қоғамның негізі!
