КЕНТАУ ҚАЛАСЫ: ҚАЙЫРЫМДЫЛЫҚ – АДАМГЕРШІЛІКТІҢ БЕЛГІСІ
11 қыркүйек күні «Әділет» партиясы Кентау қалалық Әйелдер қанатының бастамасымен әлеуметтік қолдауды қажет ететін отбасыларға бағытталған қайырымдылық акциясы ұйымдастырылды.
Аталған шараның негізгі мақсаты – әлеуметтік осал санаттағы азаматтарға қолдау көрсету, ерекше назарды қажет ететін отбасыларға көмек көрсету және қоғамдағы өзара жанашырлық пен әлеуметтік жауапкершілік құндылықтарын дәріптеу.
Қайырымдылық акциясы барысында бірқатар отбасыларға азық-түлік себеттері табысталып, күнделікті тұрмысқа қажетті қолдау ұсынылды.
Мұндай игі бастамалар – қоғамның әлеуметтік жауапкершілігін арттыруға, көмекке мұқтаж азаматтарға қолдау көрсетуге және қайырымдылық мәдениетін қалыптастыруға бағытталған маңызды жұмыстардың бірі.
Кентау қалалық Әйелдер қанатының қызметіндегі басым бағыттардың қатарында отбасы институтын нығайту, ана мен бала мәселелеріне назар аудару, сондай-ақ әлеуметтік қолдауды қажет ететін азаматтардың мәселелерін назарда ұстау маңызды орын алады.
Осындай шаралар арқылы қоғамда мейірімділік, өзара көмек, жауапкершілік және адамгершілік құндылықтарын қалыптастыруға үлес қосамыз.
«Жақсылық жасап жарысайық!» қағидасын негізге алған бұл бастама алдағы уақытта да жалғасын табады.
Жақсылық жасау – жүректен.
Қайырымдылық – қоғамның ортақ жауапкершілігі.
