«Өндірістегі әйел: еңбектегі ерлік пен кәсібилік» тақырыбында әйелдермен кездесу
Әйелдер қанатының қызмет аясы аясында бүгін «Әділет» партиясы Түлкібас аудандық филиалында «Өндірістегі әйел: еңбектегі ерлік пен кәсібилік» тақырыбында кездесу өтті. Кездесуге филиалдың сектор меңгерушісі Тимур Қыдыралиев, аудандық Әйелдер кеңесінің мүшелері және белсенді әйелдер қатысты.
Жиын барысында өндіріс саласында еңбек етіп жүрген әйелдердің қоғамдағы орны, олардың кәсіби біліктілігі мен еңбекке деген жауапкершілігі сөз болды. Қатысушылар әйелдердің түрлі салада табысты еңбек етіп, отбасы мен жұмысты қатар алып жүрудегі қажыр-қайратына тоқталды.
Сонымен қатар, еңбек адамын құрметтеу, жұмыс орындарындағы әйелдердің құқықтары мен мүмкіндіктерін кеңейту, кәсіби дамуына жағдай жасау және әйелдердің қоғамдық өмірге белсенді араласуы мәселелері талқыланды.
Өндірістегі әйел — табандылықтың, жауапкершіліктің және кәсібиліктің жарқын үлгісі. Олардың күнделікті еңбегі өндірістің дамуына ғана емес, қоғамның тұрақты дамуына да өз үлесін қосып келеді.
Кездесу соңында қатысушылар өзара пікір алмасып, еңбек жолындағы тәжірибелерімен бөлісті. Мұндай кездесулер әйелдердің кәсіби әлеуетін арттыруға, өзара тәжірибе алмасуына және қоғамдағы белсенділігін одан әрі күшейтуге мүмкіндік береді.