Әйелдердің денсаулығын және отба...
11 қыркүйек, 2026
Түркістан облысы
ОРДАБАСЫ АУДАНЫНДА ОТБАСЫ КҮНІНЕ ОРАЙ ҚАЙЫРЫМДЫЛЫҚ АКЦИЯСЫ ӨТТІ
Отбасы күніне орай «Әділет» партиясы Ордабасы аудандық филиалы жанындағы Әйелдер қанатының мүшелері әлеуметтік қолдауды қажет ететін отбасыларға арналған қайырымдылық акциясын ұйымдастырды.
Іс-шара барысында көпбалалы және тұрмысы төмен отбасыларға азық-түлік себеттері мен күнделікті тұрмысқа қажетті заттар табысталып, жан-жақты қолдау көрсетілді.
Акцияның негізгі мақсаты – отбасы құндылықтарын дәріптеу, қоғамдағы өзара қамқорлық пен жанашырлықты нығайту, сондай-ақ көмекке мұқтаж жандарға қолдау білдіру.
Осындай игі бастамалар арқылы Әйелдер қанаты қоғамдағы әлеуметтік жауапкершілікті арттыруға және қайырымдылық мәдениетін дамытуға өз үлесін қосып келеді.
Бақытты отбасы – берекелі қоғамның кепілі!
