1 ҚЫРКҮЙЕК - БІЛІМ КҮНІ ОРАЙ ӨТКЕН САЛТАНАТТЫ ШАРА
Бүгін – 1 қыркүйек, Білім күніне орай Бәйтерек ауданы Қасым Аманжолов Мектебі нде өткен салтанатты шараға қатыстым.
Бұл күн – ұстаздар үшін жауапты да мерейлі сәт, ата-аналар үшін қуаныш, ал оқушылар үшін жаңа үміт пен жаңа белестерге бастайтын ерекше күн.
Салтанатты шара барысында сайлауалды үгіт-насихат жұмыстарында белсенділік танытып, елдік істерге өз үлесін қосқан үздік активист Баянғалиева Айданаға Дәдебай Айбек Арқабайұлының алғыс хаты табысталды. Бұл – оның еңбегі мен белсенді қоғамдық қызметіне көрсетілген лайықты құрмет деп білемін.
Осындай елдің болашағына бейжай қарамайтын, қоғамдық жұмыстарға белсене араласатын азаматтардың еңбегі әрдайым жоғары бағалана берсін!
Барша ұстаздар қауымын, оқушылар мен ата-аналарды жаңа оқу жылының басталуымен шын жүректен құттықтаймын! Әсіресе, алғаш рет мектеп табалдырығын аттаған бүлдіршіндерге ақ жол тілеймін!
Жаңа оқу жылы баршаңызға толағай табыс, биік жетістіктер, жарқын сәттер мен мол мүмкіндіктер сыйласын!
Білім күні құтты болсын! Жаңа оқу жылы жемісті әрі сәтті өтсін!