Ақтөбе жоғары гуманитарлық колледжі: Ахмет Жұбанов мұрасы ғылыми семинарда кеңінен насихатталды.

Ақтөбе Жоғары гуманитарлық колледжінде Ақтөбе облысы бойынша «Өрлеу» филиалымен бірлескен, “AMANAT” партиясы Әйелдер қанатының қолдауымен «Ахмет Жұбановтың 120 жылдығы: жеке орындаушылықтан ұлттық симфонияға дейінгі жол» атты республикалық ғылыми семинар ұйымдастырылды.

Ғылыми бағыттағы мазмұнды іс-шараға «AMANAT» партиясы Әйелдер қанатының «Ғылым» бағытының мүшесі Бәдігүл Асанбай қатысып, ұлттық музыка өнерінің ғылыми-танымдық маңызы мен рухани құндылықтарын насихаттауға арналған мазмұнды ой-пікірлерімен бөлісті.

Семинардың негізгі мақсаты – қазақ музыка өнерінің көрнекті өкілі, ғалым, композитор әрі дирижер Ахмет Жұбановтың ұлттық мәдениет тарихындағы тарихи рөлін ғылыми тұрғыдан зерделеу, шығармашылық мұрасын насихаттау және ұлттық симфониялық өнердің қалыптасуындағы еңбегін саралау.

Ғылыми семинар барысында музыка саласындағы өзекті мәселелер талқыланып, қатысушылар арасында тәжірибе алмасу алаңы қалыптасты. Сондай-ақ Ахмет Жұбановтың қазақ музыка мәдениетінің дамуына қосқан өлшеусіз үлесі жан-жақты талданып, ұлттық өнердің қазіргі даму бағыттары туралы ғылыми пікірлер ортаға салынды.

Ғылыми ынтымақтастық пен кәсіби серіктестікті нығайтуға үлес қосқан әлеуметтік серіктесіміз – Ақтөбе Жоғары гуманитарлық колледжіне алғыс білдіреміз.

@galymzhanalmatov

@aqtobe_bilim_basqarmasy

@k.bulbul78

@zhanara_alisheva @aktobeahgk @aqtobe_women_amanat