Алматы облысында «Әйелдер қанаты» кеңесінің отырысы өтті
«AMANAT» партиясы Алматы облыстық филиалы жанындағы «Әйелдер қанаты» кеңесінің отырысы өтті
Алматы облысында AMANAT партиясы облыстық филиалы жанындағы «Әйелдер қанаты» консультативтік-кеңесші органы кеңесінің кезекті отырысы ұйымдастырылды.
Кеңес отырысына «Әйелдер қанаты» кеңесінің төрайымы, модератор Молдашева Меруерт Сағындыққызы жетекшілік етті.
Жиынның негізгі мақсаты – қоғамдағы әйелдердің мәртебесін арттыру, олардың құқықтарын қорғау және өзекті әлеуметтік мәселелерді кеңінен талқылау болды. Сонымен қатар, «Әйелдер қанаты» қызметінің алдағы кезеңдегі басым бағыттары айқындалып, нақты міндеттер белгіленді.
Отырыс барысында қатысушылар әйелдердің қоғамдық-саяси өмірге белсенді қатысуын арттыру, өңірдегі әйелдер бастамаларын қолдау, әлеуметтік осал топтармен жүйелі жұмыс жүргізу мәселелеріне ерекше назар аударды. Әйелдердің әлеуетін дамыту, көшбасшылық қабілеттерін күшейту және өңірлік деңгейде тиімді жобаларды іске асыру бойынша ұсыныстар айтылды.
Кеңес қорытындысы бойынша 2026 жылға арналған жұмыс жоспары бекітіліп, алдағы кезеңде жұмысты жандандыру, жаңа форматтағы жобаларды іске асыру және нақты нәтижелерге бағытталған іс-шараларды күшейту туралы шешім қабылданды.
Аталған бағыттағы жұмыстар алдағы уақытта да жүйелі түрде жалғасып, өңірдегі әйелдердің рөлін арттыруға және олардың қоғамдағы белсенділігін нығайтуға серпін бермек.