«AMANAT» партиясы Ақтөбе облыстық филиалы жанындағы Әйелдер қанатының бастамасымен маңызды кездесу өтті.
«AMANAT» партиясы Ақтөбе облыстық филиалы жанындағы Әйелдер қанатының бастамасымен маңызды кездесу өтті. Жиынға Психологиялық қызмет институтының жұмысын қолдау бағыты, әйелдерге қатысты зорлық-зомбылықтың алдын алу және ғылымдағы әйелдер бағыттарының жетекшілері қатысты.
Кездесу барысында әр бағыт бойынша атқарылып жатқан жұмыстар талқыланып, алдағы бір жылға арналған жоспарлар ортаға салынды. Әйелдерге психологиялық қолдау көрсету, зорлық-зомбылықтың алдын алу бағытындағы түсіндіру жұмыстары, сондай-ақ ғылым саласында еңбек етіп жүрген әйелдерді қолдау мәселелері кеңінен сөз болды.
Жиын қатысушылары өзара тәжірибе алмасып, бірлесіп жұмыс істеудің маңызын атап өтті. Алдағы уақытта әйелдердің құқықтарын қорғауға, олардың қоғамдағы белсенділігін арттыруға бағытталған нақты іс-шаралар ұйымдастыру көзделіп отыр. Осындай кездесулер маңызды мәселелерді бірлесе шешуге мүмкіндік беретіні сөзсіз.