AMANAT-пен бірге: Берекелі отбасы – бақытты қоғам
Халықаралық отбасы күніне орай Тараз қаласында отбасы құндылықтарын насихаттауға арналған мерекелік іс-шара өтті.
AMANAT партиясы жанындағы Әйелдер қанаты «Балаңа уақыт арна» жобасын жүйелі түрде жүзеге асырып келеді. Халықаралық отбасы күніне орай Тараз қалалық білім бөлімімен бірлесіп «Отбасы – бақыт мекені» атты мерекелік іс-шара ұйымдастырылды.
Іс-шараны Әйелдер қанатының жетекшісі Айман Әшімова ашып, қатысушыларды мерекемен құттықтады. Партияның Тараз қалалық мәслихатындағы депутаты Нариман Мәуленов, Аналар кеңесінің жетекшілері Күлзипа Абдрахманова мен Ардақ Жантаева отбасының қоғамдағы рөліне тоқталып, ақжарма тілектерін жеткізді.
Кездесуге Тараз қаласындағы мектеп оқушыларының ата-аналары қатысып, отбасы құндылықтары, бала тәрбиесі, ата-ана мен бала арасындағы сыйластық туралы ой бөлісті. Сонымен қатар, отбасылық дәстүрлерін таныстырып, көпшілікке жылы әсер сыйлады. Кездесу барысында үлгілі отбасылар өз тәжірибелерімен бөлісіп, бала тәрбиесіндегі мейірім мен бірліктің маңызын әсерлі көріністер арқылы көрсетті. Іс-шара соңында белсенді әрі үлгілі отбасылар AMANAT партиясының Алғыс хаттарымен марапатталып, спорттық іс-шаралар мен демалыс саябақтарына сертификаттар табысталды.
