«ЦИФРЛЫҚ САУАТТЫЛЫҚ: САНАЛЫ ҚОЛДАНУ МӘДЕНИЕТІ»
Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасына қарасты «Белсенді ұзақ өмір орталығы» коммуналдық мемлекеттік мекемесінде «AMANAT» партиясы облыстық филиалы жанындағы Әйелдер қанатының ұйымдастыруымен «Қоғамдағы цифрлық теңдікті қамтамасыз етуге жәрдемдесу» бағыты аясында «Цифрлық сауаттылық: саналы қолдану мәдениеті» тақырыбында дөңгелек үстел өтті.
🖇️Іс-шараның мақсаты – қоғамдағы цифрлық сауаттылықты арттыру, заманауи технологияларды тиімді әрі қауіпсіз қолдану мәдениетін қалыптастыру, сондай-ақ цифрлық теңсіздікті азайту мәселелерін талқылау болды.
🔰Шараға арнайы қонақтар қатысып, өз тәжірибелерімен бөлісті. Шараның модераторы - Тараз қалалық мәслихатының депутаты, «AMANAT партиясы облыстық филиалы жанындағы Әйелдер қанатының «Қоғамдағы цифрлық теңдікті қамтамасыз етуге жәрдемдесу» бағытының жетекшісі Эльмира Елеусізқызы Абдинова болды.
🖇️«AMANAT» партиясы облыстық филиалы жанындағы Әйелдер қанаты жетекшісінің кеңесшісі Дәмеш Шайхықызы Үскімбаева, Жамбыл облысы әкімдігінің Цифрландыру және архивтер басқармасының «Жобалық басқару және цифрландыру» орталығының басшысы Гульпара Алашбайқызы Ташенова, Шерхан Мұртаза атындағы Халықаралық Тараз университетінің «Ақпараттық-коммуникациялық технологиялар» кафедрасының ассистенті Нұрғиса Нұралыұлы Шарапов, Жамбыл облыстық іскер әйелдер қауымдастығының мүшесі, «Алтын жүрек» секциясының жетекшісі Оразкүл Тойбекқызы Тастемирова.
🔰Іс-шара барысында қатысушылар цифрлық сауаттылықты арттыру, интернетті қауіпсіз пайдалану, жалған ақпараттың алдын алу және қоғамдағы цифрлық теңсіздікті азайту мәселелерін талқылады. Сондай-ақ заманауи технологияларды тиімді әрі саналы қолдану мәдениетін қалыптастырудың маңыздылығы атап өтілді.
