Цифрлық әлемге қадам: «MEDIANA» IT компаниясы және «MANGYSTAU.HUB» стартаптар мен технологиялар алаңында жастарға арналған экскурсия
«AMANAT» партиясының Маңғыстау облыстық филиалы «MEDIANA» IT компаниясымен бірлесіп, «MANGYSTAU.HUB» алаңында жастарға экскурсия ұйымдастырылды. Шара барысында жаңа Конституцияда білім, ғылым және цифрлық дамуға басымдық берілгені айтылып, жастарды заманауи білім игеруге шақырды. Экскурсия кезінде IT саласының мамандары студенттерге цифрлық технологиялар мен ғылыми жаңалықтар туралы мәлімет беріп, олардың кәсіби қызығушылығын арттырды.
«AMANAT» партиясы Маңғыстау облыстық филиалы мен «MEDIANA» IT компаниясы бірлікте «MANGYSTAU.HUB» стартаптар мен технологиялар алаңында жастарға арналған экскурсия ұйымдастырды. Партияның облыстық филиалы жанындағы Әйелдер қанатының төрағасы Пәния Сармурзина, Экономика және аграрлық сектор мәселелері жөніндегі кеңестің төрағасы Раушан Аймурзаева жаңа Конституцияда білім, ғылым, инновация және цифрлық даму бағыттарына басымдық берілгенін атап өтті. Сонымен қатар жастарға заман ағымына сай білім мен ғылымды игерудің маңызы туралы баяндады.
Экскурсияда заманауи ақпараттық, компьютерлік, серверлік және цифрлық бағдарламалармен кәсіби түрде айналысатын «MEDIANA» IT компаниясының өкілі Қарлығаш Бекназарова және «MANGYSTAU.HUB» өкілі Әйгерім Мәтжан студенттерге сала бойынша кең көлемді ақпарат беріп, ғылыми жаңалықтармен таныстырды. Жастар экскурсиядан ғылыми жаңалықтар туралы ақпарат біліп, цифрлық даму кезеңіндегі маңызды міндеттер туралы ой түйді.