AMANATтың Әйелдер қанаты сапалы тұлғалармен толығуда: Білім, бизнес және руханият бірлігі!
Бүгін «AMANAT» партиясының өңірлік филиалында айтулы оқиға орын алды. Біздің қатарымыз, оның ішінде - Әйелдер қанаты тек сан жағынан емес, сапа жағынан да салмақты, елге сыйлы, өз ісінің нағыз майталмандарымен толықты. Әйелдер қанатының нығаюы — қоғамдағы нәзік жандылардың рөлін арттырып, әлеуметтік мәселелерді шешуге жаңа серпін бермек.
https://www.facebook.com/share/p/1EwNziZ7aj/
Бүгін біздің командамызға қоғамның әр саласында өзіндік қолтаңбасы бар нәзік жанды көшбасшылар келді: өлкемізге танымал тұлға, өңірдің жасыл желегін сақтап, табиғат пен ғылымның жанашыры,Маңғыстау экспериментальдық ботаникалық бақ Республикалық мемлекеттік кәсіпорының тынысын ашып отырған көшбасшы — Ақжүніс Алтайқызы; өңірдегі іскерлік ортаның қозғаушы күші, кәсіпкерлердің мүддесін қорғап, бизнестің дамуына жол ашқан білікті басшы — Аққу Тұрашқызы; зиялы қауымның көрнекті өкілі, білікті ұстаз — Жанымгүл Тоқтықарақызы. Партияның Маңғыстау облыстық филиалының төрағасы Нұрбек Қарасайұлы жаңа мүшелерді салтанатты түрде құттықтап, олардың білімі мен тәжірибесі өңір дамуына айтарлықтай үлес қосатынына сенім білдірді.
Осындай мықты тұлғалардың, сондай-ақ бірқатар ОСИ төрағалары мен мекеме басшыларының бізбен бір сапта болуы — партиямыздың халық алдындағы аманатына адалдығын көрсетеді.
Шара аясында ОСИ және ПИК қауымдастығымен маңызды Меморандумға қол қойылды. Мақсат — тұрғындардың мұң-мұқтажына құлақ түріп, үйіргелік мәселелерді жүйелі әрі жедел шешу. Жалпы көптеген істер, жобалар іске асуда.
Сонымен қатар, нәзік жандылардың жеке кәсібін бастауына, қоғамда өз орнын тауып, көшбасшылық қасиеттерін шыңдауына ерекше көңіл бөлінуде. Партиямыздың Әйелдер қанаты осы бағытта ауқымды жұмыстар атқарып келеді. Бүгін қатарымызға қосылған білікті тұлғалар да осы маңызды істерге жаңа леп әкеліп, әйелдер кәсіпкерлігі мен әлеуметтік бастамаларды дамытуда ерен еңбек етеді деп сенемін.
Қатарымыз нығайып, Әйелдер қанатының бастамалары мен жаңа серіктестеріміздің ісі ел игілігіне қызмет ете берсін! Бірлігіміз бекем, жолымыз ақ болсын!
