“Әйел өмірі үшін” ақпараттық науқаны өтуде
Тараз қаласында «Әйел өмірі үшін» ақпараттық науқаны аясында әйелдер арасында онкологиялық аурулардың алдын алу, ерте диагностикалау және профилактикалық тексерулердің маңызын түсіндіруге арналған медициналық кездесу өтті.
«Әйел денсаулығы – ұлт саулығы»
Таразда әйелдер денсаулығын қорғауға бағытталған маңызды кездесу өтті. Обырдың алдын алу күніне орай «Әйел денсаулығы – ұлт саулығы» тақырыбында медициналық консультация ұйымдастырылды. Іс-шараны «ӘDILET» партиясы Тараз қалалық филиалы және Әйелдер қанаты ұйымдастырып, №7 қалалық емханасының әйелдер консультациясы мамандары қатысты.
Кездесу барысында мамандар әйелдерге онкологиялық аурулардың алдын алу, дер кезінде медициналық тексеруден өтудің маңызы және ауруды ерте анықтаудың тиімділігі туралы ақпарат берді. Сондай-ақ қатысушыларға өз денсаулығына жауапкершілікпен қарау және профилактикалық тексерулерден тұрақты өту жөнінде кеңестер айтылды.
