Әйелдер, бизнес және жаңа даму мүмкіндіктері
Қарағандыда әйел кәсіпкерлерді қолдауға, іскерлік дағдыларды дамытуға және бизнестегі мүмкіндіктерді кеңейтуге бағытталған «Әйел және бизнес» форумы өтті.
Бүгін, 14 мамыр күні «AMANAT» партиясы Әйелдер қанатының өкілдері «Атамекен» кәсіпкерлер палатасы және Іскер әйелдер кеңесі ұйымдастырған «Әйел және бизнес» форумының бірлескен ұйымдастырушысы ретінде қатысты.
Форум өз ісін табысты дамытып жүрген кәсіпкер әйелдер үшін де, кәсіпкерлікті енді бастаған азаматшалар үшін де маңызды алаңға айналды.
Кездесу барысында бизнесті жүргізудің өзекті мәселелері талқыланды: мемлекеттік қолдау шаралары, заманауи digital құралдар, маркетинг және қаржыландыру мүмкіндіктері.
Іс-шара жылы әрі ашық атмосферада өтіп, қатысушылар практикалық кеңестер алып, сұрақтарына жауап алды және тәжірибе алмасты.
Мұндай форумдар тек бизнес туралы ғана емес, сонымен қатар әйелдерге қолдау көрсету, шабыт беру және жаңа мүмкіндіктер ашу алаңы болып табылады.
«Атамекен» кәсіпкерлер палатасы мен Іскер әйелдер кеңесіне осындай маңызды іс-шараны ұйымдастырғаны үшін алғыс білдіреміз.