«Әйелдер қанаты: құқық, қауіпсіздік, қолдау»

Әйелдердің құқықтық сауатын арттыру, отбасындағы зорлық-зомбылықтың алдын алу және әйелдердің өз құқықтарын қорғауына қолдау көрсету – қоғам үшін маңызды бағыттардың бірі.

Осы мақсатта Әйелдер қанатының бастамасымен Бәйдібек аудандық Отбасын қолдау орталығымен бірлесе отырып, әйелдердің құқықтары мен қауіпсіздігіне қатысты маңызды мәселелер талқыланды.

Кездесу барысында әйелдерге қатысты зорлық-зомбылықтың алдын алу, оның салдарымен күресу, өз құқықтарын қорғау, заңнамадағы жаңашылдықтар және құқықтық көмекке жүгіну алгоритмі жан-жақты түсіндірілді. Қатысушылар өздерін толғандырған сұрақтарын қойып, мамандардан нақты жауаптар алды.

Кездесуде аудандық Әжелер алқасының төрайымы Әлиева Әтір Өзбекқызы отбасы тәрбиесі, ұлттық құндылықтар, ұрпақ сабақтастығы және үлкеннің өнегесі туралы тағылымды ойларымен бөлісті. Әсіресе отбасындағы өзара сыйластық пен жауапкершіліктің бала тәрбиесіне әсеріне тоқталды.

Ал полиция капитаны Қозбанов Нұржан Қасқырбайұлы отбасылық жанжалдардың алдын алу, тұрмыстық зорлық-зомбылыққа жол бермеу, құқық бұзушылықтың алдын алу және азаматтардың өз құқықтарын білуінің маңыздылығы жөнінде маңызды түсіндірмелер берді.

Әйелдің құқығы – отбасының ғана емес, тұтас қоғамның мәселесі.
Сондықтан әйел өз құқығын білуі, қажет жағдайда қайда және кімге жүгіну керектігін түсінуі – қауіпсіз қоғам қалыптастырудың маңызды қадамы.

Әйелдер қанаты алдағы уақытта да әйелдердің құқықтық сауатын арттыруға, олардың мәселелерін назарға алуға, отбасы құндылықтарын нығайтуға және қоғамдағы өзекті мәселелердің алдын алуға бағытталған жұмыстарды тиісті мекемелермен бірлесе отырып жалғастыра береді.

Құқығын білетін әйел – өзіне сенімді әйел.
Ал өз құқығын қорғай алатын әйел – қоғамның берік тірегі.

#ӘйелдерҚанаты
#ӘйелҚұқығы
#ҚұқықтықСауаттылық
#ЗорлықЗомбылыққаЖолЖоқ
#ОтбасынҚолдауОрталығы
#БәйдібекАуданы
#ӘйелҚұқығынҚорғау