Әйелдер көшбасшылығын дамыту бағдарламасындағы жаңа кезең
Әйелдер қанатының өкілі Гүлмира Отыншина Назарбаев Университетінде Әйелдер көшбасшылығын дамыту бағдарламасы бойынша оқуын бастап, әйелдер мен отбасыларды қолдау бағытындағы кәсіби біліктілігін арттыруда.
Бүгін Әйелдер қанатының өкілі ретінде Назарбаев Университетіндегі Әйелдер көшбасшылығын дамыту бағдарламасы (WLDP) бойынша оқуымды бастадым.
Бұл білім мен үшін әйелдермен және отбасылармен жұмыс істеуде жаңа тәсілдерді меңгеруге, бастамаларды тиімді іске асыруға және қоғамдағы маңызды мәселелерді шешуге қосымша мүмкіндік береді.
Бағдарламаға еліміздің түрлі өңірлерінен келген білім беру, мемлекеттік басқару, бизнес және азаматтық қоғам салаларының өкілдері қатысуда. Барлығын біріктіретін ортақ мақсат — өз саласында оң өзгерістердің бастамашысы болу.
WLDP бағдарламасы көшбасшылық дағдыларды жетілдіруге, тәжірибе алмасуға және кәсіби байланыстарды кеңейтуге мүмкіндік береді. Алынған білім мен тәжірибе әйелдерді қолдау, отбасы институтын нығайту және әлеуметтік тұрғыдан осал топтарға көмек көрсету бағытындағы жұмыстарда қолданылатын болады.
Үздіксіз даму мен білім алу — қоғам игілігі жолындағы тиімді қызметтің маңызды негіздерінің бірі.
Гүлмира Отыншина