Ғылым Talks: Педагогтің зерттеушілік мәдениеті
Ғылым туралы әңгіме кейде тек формулалар мен теориялар төңірегінде өрбитіндей көрінеді. Алайда бүгінгі «ҒЫЛЫМ TALKS» алаңында ғылым – тірі тәжірибе, ізденіс мәдениеті және педагогтің ішкі сұрағынан басталатын шығармашылық үдеріс екені айқын сезілді.
«AMANAT» партиясы Ақтөбе облыстық филиалы жанындағы Әйелдер қанатының қолдауымен өткен «Педагогтің зерттеушілік мәдениеті: ғылыми сұрақтан этикалық зерттеуге дейін» тақырыбындағы шеберханада қатысушылар тек тыңдаушы емес, ойланушы, зерттеуші, талдаушы рөлінде болды. Әрбір айтылған пікір – жаңа зерттеуге бастау, әрбір сұрақ – кәсіби дамудың бағытын айқындайтын компас іспетті.
Шара барысында спикерлер PhD, Қ. Жұбанов атындағы Ақтөбе өңірлік университетінің Шетел тілдері факультетінің деканы Анара Уркунова, әлеуметтік ғылымдар магистрі, университеттің аналитигі Дана Рыспаева зерттеушілік мәдениетті қалыптастырудың маңызын тәжірибелік тұрғыда ашып көрсетті.
Олар педагог үшін зерттеу – тек ғылыми жұмыс емес, күнделікті тәжірибені терең түсінудің, дерекпен саналы жұмыс істеудің және кәсіби рефлексияның негізгі құралы екенін нақты мысалдар арқылы жеткізді.
Алаңдағы ашық диалог, тәжірибе алмасу және сыни ойлау атмосферасы қатысушыларға жаңа серпін беріп, ғылымға деген көзқарасты жаңаша қалыптастыруға мүмкіндік жасады. Бүгінгі кездесу – білім беру саласындағы әр педагогтің зерттеуші бола алатынын дәлелдеген маңызды қадам болды.
Әлеуметтік серіктесіміз Қ.Жұбанов атындағы Ақтөбе өңірлік университетіне және Басқарма төрайымы-Ректор Лаура Чапаевнаға ынтымақтастықтары үшін алғыс білдіреміз.
@shilibekova
@aqtobe_bilim_basqarmasy @k.bulbul78
@zhubanov.university @laura_researcher