Халық үні – басты назарда
Хантау ауылында өткен есептік кездесуде тұрғындардың өзекті мәселелері тыңдалып, Әйелдер қанатының әлеуметтік және қоғамдық бастамалары таныстырылды.
Партия басшылығының тапсырмасына сәйкес, мәслихат депутаттарының халық алдындағы есептік кездесулері жалғасуда. Осыған орай, «AMANAT» партиясы Мойынқұм аудандық мәслихатындағы фракция депутаты, Әйелдер қанатының жетекшісі Ғалия Шубаева Хантау ауылы тұрғындарымен есептік кездесу өткізді.
Кездесу барысында депутат атқарылған жұмыстар бойынша тұрғындар алдында есеп беріп, Әйелдер қанаты тарапынан жүзеге асырылып жатқан әлеуметтік, қоғамдық бағыттағы жұмыстарға да кеңінен тоқталды. Атап айтқанда, отбасы құндылықтарын нығайту, аналармен жұмыс, әлеуметтік осал топтарға қолдау көрсету және ауыл тұрғындарымен тұрақты байланыс бағытындағы бастамалар туралы айтылды.
Сонымен қатар, ауыл тұрғындары тарапынан көше жолдарын жөндеу, абаттандыру, көше жарығы, электр трансформаторларының ескіруі секілді өзекті мәселелер көтерілді. Ғалия Шубаева тұрғындар тарапынан айтылған барлық ұсыныс-пікірлер мен мәселелер назарға алынатынын, тиісті мекемелерге ұсынымдар жолданып, олардың орындалуы бақылауда болатынын атап өтті.
Халықпен ашық диалог – нақты нәтижеге бастар жол.
