Инклюзивті ортаны дамыту - «AMANAT» партиясының басты әлеуметтік міндеттерінің бірі
Мүмкіндігі шектеулі жандарға қолайлы жағдай жасап, тең мүмкіндіктер қалыптастыру – «AMANAT» партиясының басым бағыттарының бірі. Партия жанындағы Әйелдер қанатының «Инклюзивті қоғамның дамуына жәрдемдесу» жұмыс тобы өңірдегі 31 мыңнан астам мүмкіндігі шектеулі жанға қолдау білдірудің жолдарын қарастыруда.
Жұмыс тобы өз жоспарын ерекше балалардың ата-аналары, қоғамдық ұйымдар өкілдері, мүмкіндігі шектеулі жандардың ұсыныстарымен жасақтап отыр. Сондай-ақ жұмыс тобы мүшелері Израильден MASHAV бағдарламасы бойынша курстан өтіп, ерекше балаларды қолдаудың жобаларын дамытуға мүмкіндік алмақ.
Айта кету керек, 2023–2027 жылдары «Кедергісіз келешек» партиялық жобасы аясында 907 нысан бейімделіп, мүгедектігі бар азаматтардың әлеуметтік инфрақұрылымға қолжетімділігі қамтамасыз етілді. Сонымен қатар, партияның қолдауымен облыс мектептерінің 97,3 пайызында ерекше білім беру қажеттіліктері бар балаларға жағдай жасаған.