ҚАМҚОРЛЫҚ – ЖҮРЕКТЕН
Байзақ ауданында ерекше қажеттіліктері бар азаматтарға тегін қызметтер көрсетуге бағытталған қайырымдылық акциясы өтті.
Адамға қолдау көрсету – үлкен жүректің белгісі. Жамбыл облысында «Әділет» партиясының Байзақ аудандық филиалы және Әйелдер қанаты «Қамқор қоғам: кедергісіз орта және тең мүмкіндік» атты әлеуметтік акция ұйымдастырды.
Игі бастамаға партияның Әйелдер қанатының белсенді мүшесі Маржан Ракулова ерекше үлес қосты.
Акция аясында ерекше қажеттілігі бар азаматтарға келесі қызметтер тегін ұсынылды:
• Шаштараз қызметі
• Стоматологиялық емдеу
• Фитнес орталығына жолдама
Бұл – жай ғана көмек емес, бұл – шынайы жанашырлық пен адамға деген жоғары құрметтің көрінісі. Әр жан қоғамның толыққанды мүшесі болуға лайық, ал кедергісіз орта қалыптастыру – баршамыздың ортақ міндетіміз.
Жақсылық жасау – жүректен, қамқорлық – адамдықтан!
