ҚАРАҒАНДЫ ҚАЛАСЫНДА ӘЙЕЛДЕР ҚАНАТЫНЫҢ МҮШЕЛЕРІ ЗАМАНАУИ ОТБАСЫ ТАҚЫРЫБЫНДА КЕЗДЕСУ ӨТТІ
«Заманауи отбасы: дәстүрлі құндылықтар мен жаңа шынайылық» атты тақырыпта студенттермен кездесу өткізілді.
«Әділет» партиясы Әйелдер қанатының мүшелері Қарағанды ұлттық зерттеу университетнің студенттерімен «Заманауи отбасы: дәстүрлі құндылықтар мен жаңа шынайылық» — тақырыбында кездесу өткізді.
Кездесуде бүгінгі отбасының сипаты, жаңа шынайылықтар, өзгеріп жатқан көзқарастар мен отбасылық қарым-қатынастағы әр адамның рөлі туралы сөз қозғалды. Сондай-ақ қай дәуірде де маңызын жоғалтпайтын құндылықтар — сыйластық, махаббат, өзара түсіністік, жауапкершілік пен қолдау жайы айтылды.
Бұл әңгіменің дәл жастармен өрбігені өте маңызды. Өйткені бүгінгі студенттер — ертеңгі ата-ана, жұбайлар, мамандар және ертеңгі қоғамды қалыптастыратын азаматтар.
Осындай кездесулер отбасылық құндылықтар туралы жай ғана айтып қоймай, жас ұрпақтың пікірін естуге, маңызды мәселелерді ақыл-кеңес айтусыз ашық талқылауға және қазіргі заманның сын-қатерлеріне бірге жауап іздеуге мүмкіндік береді.
Отбасы — қоғамның діңгегі. Жастармен өзара құрмет, жауапкершілік және жақындардың қадірі туралы неғұрлым ерте сөйлессек, ертеңгі қоғамымыз да соғұрлым берік болады.
Ашық диалог алаңдарын одан әрі құрып, шынымен де маңызды дүниелер туралы сөз қозғауды жалғастырамыз.
