ҚАРАҒАНДЫ ОБЛЫСЫ «ӘДІЛЕТ» ПАРТИЯСЫНЫҢ ӘЙЕЛДЕР ҚАНАТЫ «ӘЙЕЛ ӨМІРІ ҮШІН» АЙЛЫҒЫ АЯСЫНДА КЕЗДЕСУ ӨТКІЗДІ
Қарағанды облысында «Әйел өмірі үшін» республикалық айлығы аясында әйелдер денсаулығына арналған кездесу өтті. Қатысушылар маммолог дәрігерден кеңес алып, медициналық тексеруден өтті.
Қарағанды облысы «Әділет» партиясының Әйелдер қанаты Онколог-маммологтар қауымдастығымен бірлесіп өткізіп жатқан «Әйел өмірі үшін» республикалық айлығы аясында Қарағанды облысында әйелдер денсаулығына арналған кездесу өтті.
Қатысушылар маммолог дәрігермен кездесіп, денсаулық жағдайындағы өзгерістерді қалай байқауға болады, қандай жағдайда маманға жүгіну қажет, сондай-ақ қазіргі таңда диагностикалау мен емдеудің қандай заманауи әдістері қолданылатыны жөніндегі маңызды мәселелерді талқылады.
Кездесу ашық диалог форматында өтті. Әйелдер өздерін толғандырған сұрақтарын белсенді түрде қойып, ой-пікірлерімен бөлісті және маманның кәсіби кеңестерін алды. Іс-шарадан кейін көптеген қатысушылар тексеруден өтті.
Мұндай кездесулер денсаулық мәселелерін ашық талқылауға және медициналық көмекке уақтылы жүгінуге ықпал етеді. Өзіңе қамқорлық жасау – бос уақытқа байланысты мәселе емес, өз денсаулығыңа деген жауапкершіліктің бір бөлігі екенін есте ұстаған жөн.
«Әйел өмірі үшін» айлығы Қазақстанның барлық өңірінде өткізіліп, әйелдердің хабардарлығын арттыруға және өз денсаулығына жауапкершілікпен қарау мәдениетін қалыптастыруға бағытталған.
