ҚАРАҒАНДЫ ОБЛЫСЫНДА ҰСТАЗДАР КҮНІНЕ ОРАЙ МЕРЕКЕЛІК ЖӘНЕ АТАУЛЫ ІС-ШАРАЛАР КЕШЕНІ ӨТКІЗІЛДІ
Қарағанды облысы «Әділет» партиясының Әйелдер қанатының бастамасымен ұстаздар күніне орай мерекелік және атаулы іс-шаралар өткізілді. Педагогикалық еңбек ардагерлеріне ерекше көңіл бөлінді.
Қарағанды облысы «Әділет» партиясының Әйелдер қанатының бастамасымен ұстаздар күні аясында өскелең ұрпақты оқыту мен тәрбиелеуге қосқан үлесі үшін педагогтар қауымына алғыс білдіруге бағытталған бірқатар іс-шара өткізілді.
Салтанатты іс-шаралар, құттықтау кездесулері мен алғыс хаттар табыстаумен қатар, педагогикалық еңбек ардагерлеріне ерекше көңіл бөлінді.
Мереке қарсаңында қарттар үйіне арнайы бару ұйымдастырылды. Онда білім беру саласында көп жыл еңбек еткен екі педагогикалық еңбек ардагері тұрады. Кездесу барысында ардагер ұстаздар кәсіби қызметі, шәкірттері және білім беру саласындағы көпжылдық еңбегі туралы естеліктерімен бөлісті. Оларға гүл шоқтары табысталып, бірнеше ұрпақты оқыту мен тәрбиелеуге қосқан елеулі үлестері үшін алғыс білдірілді.
Сонымен қатар, педагогтер мерекелік іс-шараға шақырылып, көпжылдық адал еңбегі, кәсіби шеберлігі және білім беру саласының дамуына қосқан үлесі үшін алғыс хаттармен марапатталды.
Өткізілген іс-шаралар саналы ғұмырын білім беру саласына арнаған педагогтерге деген құрмет пен ризашылықтың көрінісі болды.