Қонаев қаласында «Әкем, анам және мен» отбасылық эстафетасы өтті
Отбасы – балаға тәрбие мен өнеге беретін ең басты орта. Осы құндылықты дәріптеуге бағытталған шара ата-ана мен бала арасындағы байланысты нығайтып, бірлесе уақыт өткізуге және салауатты өмір салтын насихаттауға арналды.
Іс-шараның негізгі мақсаты – отбасы құндылықтарын дәріптеу, ата-ана мен бала арасындағы өзара сыйластықты нығайту, салауатты өмір салтын насихаттау және отбасылық бірлікті арттыру.
Эстафета барысында ата-аналар мен балалар түрлі спорттық сайыстарға қатысып, ептілік, шапшаңдық және ұйымшылдықтарын көрсетті. Әр кезең қатысушыларға көтеріңкі көңіл-күй сыйлап, отбасы мүшелерінің бір-біріне қолдау көрсетуіне мүмкіндік берді.
Жарыс барысында ата-аналар мен балалар бір команда ретінде әрекет етіп, өзара түсіністік пен ауызбіршіліктің маңызын көрсетті. Мұндай тағылымды шаралар жас ұрпаққа отбасы құндылықтарын дәріптеп, ата-ананы құрметтеуге тәрбиелеуге ықпал етеді.
Іс-шара соңында белсенді қатысқан отбасылар марапатталып, қатысушыларға алғыс білдірілді.