Жаңалықтар
3 қыркүйек, 2026
Батыс Қазақстан облысы
МЕКТЕПКЕ НЫҚ ҚАДАММЕН
«Мектепке нық қадаммен». Орал өңірінде осындай атаумен ұйымдастырылған акция аясында 350-ге жуық бала оқу құралдары және өзге де керек-жарақпен қамтылды.
Мектеп жасындағы балалар мен олардың ата-аналары «Әділет» партиясының облыстық филиалына жиналды. Оларға игі іске ұйытқы болғандар мен балдырғандарды жаңа оқу жылына дайындауға демеушілік танытқан азаматтар ақ тілегін арнап, сыйлықтарын ұсынды. Оқушыларға мектеп сөмкесі, оқу құралдары, спорттық киімдер тарту етілді. Ұйымдастырушылар акция дәстүрге айналғанын атап өтті. Әлеуметтік аз қамтылған, көпбалалы және мүгедектігі бар балаларды тәрбиелеп отырған отбасыларды қолдауға басымдық берілген.