«Отбасы– байлығым» атты іс-шара өтті.

Шараға Әділет партиясы Батыс Қазақстан облыстық филиалының төрағасы Бауыржан Бектұрған, Батыс Қазақстан облысындағы «Нұрбанк» АҚ филиалының жетекшісі Зульфия Бекешова және өңірімізге танымал, қоғамның әр саласында абыройлы еңбек етіп жүрген 6 отбасы қатысты. Олардың әрқайсысы – еңбегімен елге танылып, отбасындағы татулық пен бірлікті берік ұстанып келе жатқан өнегелі жанұялар.

Қатысушылар қатарында облысымызға белгілі ақын, журналист Әділет Орынбасаровтың жанұясы, Қазақстан тарихындағы қыздар арасындағы дзюдодан тұңғыш әлем чемпионы Фатима Сұпығалиеваның ата-анасы мен бауырлары, медиа саласында үздік атанған Машеновтар отбасы, өңірге белгілі кәсіпкер Нұрғали Зайденовтің отбасы және денсаулық сақтау саласында еңбек етіп жүрген Нұрғазы Ахмедтің отбасы болды.

Іс-шарада арнай WOWBOX cinema ұсынған купольді кинотеатрда фильм тамашалап, ерекше әсерге бөленді. Бұл күн әр отбасы үшін қуанышқа, мейірімге және шынайы эмоцияға толы есте қаларлық сәттер сыйлады. Соңымен қатар Бауыржан Оңталапұлы Отбасы күнімен құттықтап, жанұяларға алғыс хаттар мен сыйлықтар табыстады.