ОТБАСЫ -ЕҢ БАСТЫ ТІРЕК
Отбасы күніне орай Жамбыл облысында түрлі мерекелік іс-шаралар өтіп, «Әділет» партиясының Әйелдер қанатының белсенділері 51 отбасын арнайы құттықтады.
Жамбыл облысы Отбасы күнін ерекше атап өтті!
Қыркүйектің әрбір екінші жексенбісінде елімізде ерекше әрі жылы мереке — Отбасы күні тойланады. Отбасы — қоғамның діңгегі ғана емес, ол ұлттық құндылықтарымыз, салт-дәстүріміз бен үлкенге деген құрмет бастау алатын қасиетті мекен.Киелі Жамбыл облысында ежелден шаңырақ берекесі мен ұрпақтар сабақтастығы жоғары қастерленеді. Әулиеата өңірінде өнегелі өмірімен үлгі болып отырған жүздеген көпбалалы, тату-тәтті әулеттер тұрады. Мерекелік Отбасы апталығы аясында облыстың барлық аудандары мен Тараз қаласында ата-аналар мен балалардың басын қосатын мәдени, спорттық және қайырымдылық іс-шаралар өтті.
“Әділет” партиясының Әйелдер қанатының белсенділері 51 отбасына арнайы барып, Отбасы күнімен құттықтады, сый-сыяпат жасады.
Жамбыл облысының әрбір шаңырағына бақ-береке, татулық, мықты денсаулық тілейміз! Балаларымыз аман, үлкендеріміздің жүзі жарқын болсын!