Шексіз қамқорлық: ерекше балалар мен олардың отбасыларына қолдау

«AMANAT» партиясы Әйелдер қанаты мен «Inlife» емханасы арасында жасалған меморандум аясында ерекше қажеттілігі бар балаларға тұрақты түрде тегін консультациялар мен медициналық тексерулер ұйымдастырылып келеді.

Бүгінде ата-аналар алдын ала жазылмай-ақ және кезек күтпей білікті мамандардың қабылдауынан өтіп, сапалы медициналық көмек ала алады. Емханада балалар мен ата-аналарға барлық қолайлы жағдай жасалған: заманауи құрал-жабдықтар, тазалық, жайлы орта және әрбір балаға деген ерекше қамқорлық.

Емхана директоры отбасыларды жеке қарсы алып, қонақтарға ерекше ілтипат пен жанашырлық танытып жүргенін ерекше атап өткен жөн.

Меморандум аясындағы бұл жұмыс көптеген балалардың уақытылы медициналық тексеруден өтіп, қажетті қолдау алуына мүмкіндік беруде. Бұл әсіресе күн сайын түрлі қиындықпен бетпе-бет келетін аналар үшін өте маңызды қолдау.

Сонымен қатар ерекше балалардың аналарына тұрақты түрде психологиялық және құқықтық көмек көрсетілуде.

Ең бастысы — барлық көмек толықтай тегін көрсетіледі.

Ерекше балаларға қолдау көрсету — қоғамның мейірімі мен адамгершілігінің айқын көрінісі.