«ТЕҢ МҮМКІНДІКТЕР» – БАРШАҒА ОРТАҚ МҮМКІНДІК

​Маңғыстау облысы бойынша «Әділет» партиясы жанындағы Әйелдер қанатының төрайымы Сармурзина Пания Оңалбайқызының ұйымдастыруымен «Тең мүмкіндіктер» республикалық инклюзиялық жобасының өтуіне байланысты талқылау жұмыстары жүргізілді.  
​Кездесу барысында жобаның негізгі бағыттары мен мақсат-міндеттері, оны Маңғыстау өңірінде тиімді жүзеге асыру жолдары кеңінен талқыланды.  
​Жиында ерекше қажеттіліктері бар азаматтарға тең мүмкіндік қалыптастыру, олардың қоғам өміріне белсенді араласуына жағдай жасау, әлеуметтік бастамаларды қолдау және инклюзивті ортаны дамыту мәселелеріне баса назар аударылды.  
​Сонымен қатар, «Әділет» партиясының Әйелдер қанаты үшін бұл жоба жаңа мүмкіндіктерге жол ашатын маңызды бастама екені атап өтілді. Әйелдердің қоғамдық белсенділігін арттырып, әлеуметтік маңызы бар жобаларды жүзеге асыруға бірлесе атсалысу қажеттігі айтылды.  
​Алға қойылған мақсаттарға жету үшін күш біріктіріп, ортақ іске жұмылу — басты міндет.

https://www.instagram.com/p/Dd3132ijb4x/?stkn=MTFjdTJqdHE1dWcxbA==