Ұлы Жеңіс күніне тағзым
Ұлы Жеңіс күні қарсаңында Мойынқұм ауданында ҰОС ардагерінің ұрпақтары құттықталып, майдангерлер рухына құрмет көрсетілді.
9 мамыр – Ұлы Жеңіс күніне орай «AMANAT» партиясы Мойынқұм аудандық филиалы жанындағы Әйелдер қанатының жетекшісі, аудандық мәслихат депутаты Ғалия Шубаева Хантау ауылының тұрғыны болған ҰОС ардагері Серікбаев Абутәліп атаның отбасында болып, ардагер ұрпақтарын мерекемен құттықтады.
Кездесу барысында майдангердің ел үшін жасаған ерлігі мен өнегелі өмір жолы еске алынып, батырлар рухына тағзым көрсетілді. Ардагер ұрпақтарына ізгі тілектер айтылып, алғыс білдірілді.
Сондай-ақ, Хантау ауылдық округіндегі 1941–1945 жылдардағы Ұлы Отан соғысына арналған ескерткішке гүл шоқтары қойылып, боздақтарды бір минут үнсіздікпен еске алу рәсімі өтті.
