Ұлытау облысында «Мектепке нық қадаммен» акциясы өтуде
«Әділет» партиясының «Мектепке нық қадаммен» акциясы Ұлытау облысында да жалғасын тапты. Акция басталғалы бері өңірде 3 мыңнан астам бала мектепке қажетті оқу құралдарымен қамтамасыз етілді.
Ұлытау облысында «Мектепке нық қадаммен» акциясы өтуде
«Әділет» партиясының «Мектепке нық қадаммен» акциясы Ұлытау облысында да жалғасын тапты. Акция басталғалы бері өңірде 3 мыңнан астам бала мектепке қажетті оқу құралдарымен қамтамасыз етілді.
Партияның Ұлытау облыстық филиалының төрағасы Ақжол Құрмансейіт, “Әділет” партиясы Ұлытау облыстық филиалы жанындағы “Әйелдер қанаты” мүшесі Қапарова Раушан Оңқонысқызы және партия қызметкерлерімен бірге Жезқазған қаласындағы №133 мектеп оқушыларына мектеп сөмкелері мен оқу құралдарын табыстады.
«Баланың сапалы білім алуы үшін қажетті жағдай жасау – баршамызға ортақ міндет. Әр балаға мүмкіндік беру – әділетті қоғамның басты қағидаларының бірі. Мұндай қолдау шаралары облыстың барлық қала-аудандарында өтуде», – деді Ақжол Құрмансейіт.
Сондай-ақ Жезқазған қалалық мәслихатының төрағасы Раушан Қапарова мен қалалық мәслихат депутаттары «Нұрбала» дамыту орталығына арнайы барып, балаларға оқу құралдарын табыстады. Орталық директоры Жадыра Жұмахметова партия мен халық қалаулыларына үздіксіз байланыс пен ұдайы жасалатын қолдау үшін алғысын жеткізді.
Акция «Әділет» партиясының әділетті қоғам – әр азаматқа өз мүмкіндігін жүзеге асыруға тең жағдай жасалған қоғам қағидатын көрсетеді. Негізгі ұстаным – әр бала маңызды, әр балаға мүмкіндік керек!https://www.instagram.com/reel/Dcf5flPNgAH/?stkn=ZnVkNmo2YnZibno4 https://www.facebook.com/share/p/1Jh9h67auf/?mibextid=wwXIfr
