Ұлытау облысында Отбасы күніне орай 21 отбасыға қолдау көрсетілді

Отбасы күніне орай 21 отбасыға қолдау көрсетілді

Отбасы күніне орай «Әділет» партиясы Ұлытау облыстық және аумақтық филиалдардың, сондай-ақ партия филиалы жанындағы Әйелдер қанатының ұйымдастыруымен әлеуметтік қолдауды қажет ететін отбасыларға көмек көрсетілді.

Бастама аясында 21 отбасы, оның ішінде 84 бала қамтылды. Әсіресе көпбалалы отбасыларға, мүмкіндігі шектеулі балалары бар жанұяларға ерекше көңіл бөлінді.

Іс-шара барысында Әйелдер қанатының өкілдері отбасылардың үйлеріне барып, қажетті азық-түлік бірреттік көмек көрсетті. Сонымен қатар отбасылардың жағдайымен танысып, оларды толғандыратын мәселелерді тыңдады.

«Отбасы күні — біз үшін жай ғана мерекелік күн емес, бұл  — нақты істер арқылы қамқорлық танытудың мүмкіндігі. Әр отбасының жағдайын біліп, қолдан келгенше қолдау көрсету маңызды. Қиындыққа тап болған әрбір отбасы өз мәселесімен жалғыз қалмағанын сезінуі керек», - дейді «Әділет» партиясы жанындағы Әйелдер қанатының мүшелері.

Аталған бастама отбасы институтын нығайтуға, ана мен баланы қолдауға және атаулы әлеуметтік көмекті дамытуға бағытталған.

#отбасыкүні
#әйелдерқанаты
#әділетпартиясыhttps://www.facebook.com/share/1MToCx1uuM/?mibextid=wwXIfr