Ұрпақтар сабақтастығы: Қордайда ардагерлерге құрмет көрсетілді

Халықаралық қарттар күніне орай «Әйелдер қанаты» мен «Әділет» партиясының Қордай аудандық филиалы бірлесіп, «Қарттарым — асыл қазынам» атты өте жылы әрі мағыналы дөңгелек үстел өткізді.
Бұл кездесу жай ғана ресми шара емес, ұрпақтар сабақтастығын жалғаған, жүрекке жылу сыйлаған ерекше сәт болды. Ардагерлер жиын басында өткен күндерден сыр шертіп, өздерінің бай өмірлік және кәсіби тәжірибелерімен бөлісті. Жастарға бағыт-бағдар беріп, өнегелі ақыл-кеңестерін айтты. Өз кезегінде жас буын үлкендердің әрбір сөзін ықыласпен тыңдап, олардың ерен еңбектеріне шынайы алғыстарын білдірді.
Шара соңында ұзақ жылдар бойы ел дамуына үлес қосқан еңбек ардагерлеріне ерекше құрмет көрсетіліп, арнайы мерекелік сыйлықтар табыс етілді.