"ҰСТАЗ АЙТСА”
Жамбыл облысы Шу ауданында Ұстаздар күніне орай мұғалім мәртебесін арттыру, білім сапасын жақсарту және педагогтердің қоғам мен мемлекет дамуындағы рөлін талқылауға арналған диалог алаңы өтті.
“Ұстаздар күніне орай Жамбыл облысы Шу ауданы М. Әуезов атындағы орта мектепте «Әділет» партиясының Шу аудандық филиалы мен оның Әйелдер қанатының ұйымдастыруымен «Ұстаз айтса...» атты диалог алаңы өтті. «Ұстаз және Мемлекет» тақырыбына арналған бұл жиын мұғалім мәртебесін жаңа қырынан көрсетуді мақсат етті.
Жобаның басты ерекшелігі – мұғалімді тек мектеп ішіндегі маман емес, ұлттың адами капиталын қалыптастырып, елдің болашағына тікелей ықпал ететін маңызды тұлға ретінде дәріптеу.
Басқосуда тек қатардағы оқу-әдістемелік мәселелер ғана емес, білім саласының мемлекеттік саясатпен байланысы мен оны жүйелі түрде дамыту тетіктері сөз болды. Спикерлер мен қатысушылар ұстаздардың кәсіби беделін арттыру, педагогтердің қоғамдық пікіріне құлақ түру және білім сапасын жақсарту төңірегінде келелі ой қозғады.
Сондай-ақ мектеп мұғалімдері М. Байдәулетова, Ж. Бекбаулова және Ж. Уксукбаева өз тақырыптары бойынша тұшымды баяндама жасап, өзекті ұсыныстар тастады. Жиын барысында айтылған барлық бастамалар мұқият тыңдалып, арнайы хаттамаға енгізілді.
Шара соңында білім беру саласында ерекше көзге түскен белсенді ұстаздарға құрмет көрсетіліп, бағалы сыйлықтар табыс етілді.
