Ұстаз болу – жүрек таңдауы
Тараз қаласында өткен ашық диалог алаңында түлектердің педагогикалық мамандыққа қызығушылығын арттыру және болашақ ұстаздарды қолдау мәселелері талқыланды.
Партияның Әйелдер қанаты болашақ жас мамандарды қолдауға әрқашан ерекше көңіл бөледі. Осы ретте бүгін Тараз қаласындағы Баймырза Бесбаев атындағы мектеп-гимназиясында ашық диалог алаңы өтті.
Шара «AMANAT» партиясы Әйелдер қанатының Әйелдер қанатының қолдауымен, мүшесі, мектеп директоры Гүлнар Раптаеваның жетекшілігімен ұйымдастырылды.
Кездесудің мақсаты – жастардың өз таңдауына деген сенімін нығайту, болашақ ұстаздарды кәсіби жолға дайындау және түлектердің педагогикалық қызметке деген қызығушылығын арттыру.
Кездесуде ұстаздық мамандықтың қызығы мен қиындығы талқыланды. Жас мамандар мен түлектер өзара пікір алмасты. «AMANAT» партиясы облыстық филиалы төрағасының кеңесшісі Р. Тұрмаханбетова мен Әйелдер қанатының орынбасары Д. Ускумбаева түлектерге ақ жол тіледі. Болашақ мұғалімдерге «Жас ұстаз» белгісін табыстады.
