Ұстаздар үні: Ашық диалог және шынайы қолдау
Жамбыл облысы Сарысу ауданында Мұғалімдер күніне орай педагогтердің кәсіби мәселелерін талқылау, ұсыныстарын тыңдау және ұстаздардың қоғамдағы мәртебесін арттыру мақсатында ашық диалог алаңы өтті.
“Әділет” партиясы мен Әйелдер қанатының ұйымдастыруымен Мұғалімдер күніне орай Жамбыл облысы Сарысу ауданы Д. Қонаев атындағы орта мектепте өткен «Ұстаз айтса» республикалық ашық диалог алаңы өтті. «Ұстаз және мемлекет» тақырыбындағы дөңгелек үстелде мұғалімдерді кәсіби мерекесімен құттықтап, еркін форматта пікір алмастық.
Жиында маңызды ұсыныстар айтылды:
• Аудандық филиал консультанты Самат Тоқбанов, мектеп директорының орынбасары Раушан Шортанбаева және мұғалім Дамира Ақбергенова алдағы мақсаттар мен өзекті мәселелерді ортаға салды.
• Мұғалімдер тарапынан қойылған әрбір талап-тілек заң аясында қаралып, нақты шешімін табатын болады.
Кездесу соңында білім саласына тер төгіп жүрген бірқатар ұстаздарға аудандық білім бөлімінің Алғыс хаттары мен партияның естелік сыйлықтары табысталды.
