Ұйғыр ауданында әйелдердің қоғамдағы рөлі талқыланды
Ұйғыр ауданында «AMANAT» партиясы Алматы облыстық филиалы жанынан құрылған Әйелдер қанатының бастамасымен «Әйелдердің қоғамдағы рөлі» атты кездесу өтті.
Жиында әйелдердің қоғамдық-саяси өмірдегі белсенділігін арттыру, отбасы құндылықтарын нығайту, әйелдер көшбасшылығын дамыту және қоғамдағы өзекті мәселелер талқыланды.
Қатысушылар әйелдердің мемлекеттік басқару, кәсіпкерлік, білім беру және әлеуметтік саладағы үлесі туралы пікір алмасты. Сонымен қатар, әйелдер құқығын қорғау, тұрмыстық зорлық-зомбылықтың алдын алу, жастар тәрбиесі және ана мәртебесін арттыру мәселелері көтерілді.
Кездесуде Әйелдер қанатының төрайымы Меруерт Молдашева әйелдердің қоғамдық бастамаларды жүзеге асырудағы белсенділігіне тоқталып, олардың ел дамуына қосып отырған үлесін атап өтті.
Іс-шара соңында әйелдердің әлеуметтік жағдайын жақсарту, кәсіби және жеке дамуына қолдау көрсету бағытындағы ұсыныстар ортаға салынды.
