ЖАҚСЫЛЫҚ – ШАҢЫРАҚТАН БАСТАЛАДЫ
Тараз қаласында Отбасы күніне орай көпбалалы және әлеуметтік қолдауды қажет ететін отбасыларға азық-түлік пен балаларға сыйлықтар табысталды.
Отбасы күніне орай «Әділет» партиясы Тараз қалалық филиалы жанындағы Әйелдер қанатының жетекшісі Жанат Ертаеваның бастамасымен көпбалалы және әлеуметтік қолдауды қажет ететін отбасыларға арнайы көңіл бөлінді.
Әйелдер қанатының мүшелері шаңырақтарға барып, азық-түлік себеттерін табыстап, балаларға сыйлықтар тарту етті. Ең бастысы – әр отбасының жағдайын сұрап, жылы лебіздерін білдірді.
Кейде адамға үлкен көмек емес, жанынан табылып, көңіл бөлгеннің өзі күш береді. Бұл акция – мейірім мен жанашырлықтың, қоғамдағы өзара қолдаудың жарқын көрінісі.
Әр шаңырақтың берекесі артып, балалардың күлкісі көбейсін!
Жақсылық жалғасын тапсын!
