ЖАМБЫЛ АУДАНЫНДА ОТБАСЫ ҚҰНДЫЛЫҚТАРЫ ДӘРІПТЕЛДІ
Жамбыл ауданында өткен форумда отбасы институтын нығайту, отбасылық құндылықтарды дәріптеу және отбасындағы өзара сыйластық мәселелері талқыланды.
Жамбыл облысында «Отбасы құндылығы – қоғам тұрақтылығының негізі» атты форум өтті. Іс-шараға «Әділет» партиясы Әйелдер қанатының сарапшысы, «Анаға тағзым» облыстық отбасылық даму әлеуметтік орталығының директоры Д.Сүгірбай мен белсенділері - Жамбыл облысы полиция департаментінің отбасылық-тұрмыстық зорлық-зомбылыққа қарсы күрес бөлімінің бастығы Д.Кинжеханова, М.Х.Дулати атындағы Тараз университетінің Педагогикалық психология кафедрасының меңгерушісі, PhD, қауымдастырылған профессоры Э.Айтеновақатысып, отбасы институтын нығайту, отбасылық құндылықтарды дәріптеу мәселелерін талқылады.
🔹 Форум барысында отбасылық өмірге дайындық, психологиялық және құқықтық сауаттылық, қаржылық жауапкершілік, репродуктивтік денсаулық және отбасындағы өзара сыйластық тақырыптары қозғалды.
🔹 Жиын аясында Отбасын қолдау орталығы мен Жастар ресурстық орталығы арасында ынтымақтастық туралы меморандумға қол қойылды. Сонымен қатар отбасы құндылықтарын насихаттауға бағытталған мәдени бағдарлама ұсынылды.
