«Жүректен жүрекке» – мейірімге толы кеш
Тараз қаласында Мүгедектігі бар адамдар күніне орай «Жүректен жүрекке» тақырыбында мейірімге толы кеш өтті
Мүгедектігі бар адамдар күніне орай «Әділет» партиясының Тараз қалалық филиалы, Әйелдер қанаты «Асар» оңалту орталығымен бірлесіп «Жүректен жүрекке» қайырымдылық кешін ұйымдастырды.
Іс-шараның мақсаты – мүгедектігі бар жастарға қолдау көрсету, олардың қоғам өміріне белсенді араласуына жол ашу және тең мүмкіндіктерді дәріптеу.
Қатысушыларды филиал төрағасы Н.Мәуленов, Әйелдер қанатының сарапшысы, Жамбыл облысы әкімінің мүгедектігі бар адамдар мәселелері жөніндегі кеңесшісі А.Даулетбаева құттықтап, жылы лебіздерін білдірді.
Кездесу ерекше жылулық пен көтеріңкі көңіл күйге толы болды. Өйткені әрбір адам қамқорлыққа, құрметке және қоғамның толыққанды мүшесі болуға лайық.
Мейірім жүректен басталады, ал шынайы қолдау жүректерге жол табады!
