AMANAT партиясы Алматы облыстық филиалы жанындағы «Әйелдер қанатының» ұйымдастыруымен Еңбекшіқазақ ауданындағы №2 психологиялық-педагогикалық түзеу кабинеті мекемесінде ұжым қызметкерлері мен ата-аналардың қатысуымен психологиялық тренинг өтті.
Іс-шараның мақсаты – ерекше білім беру қажеттіліктері бар балаларды тәрбиелеп отырған ата-аналарға қолдау көрсету, мамандар мен ата-аналар арасындағы өзара байланысты нығайту және психологиялық қолдау мәдениетін қалыптастыру болды. Тренинг барысында қатысушылар түрлі тәжірибелік жаттығуларға қатысып, эмоционалдық тұрақтылықты сақтау, күйзелісті жеңу, балалармен тиімді қарым-қатынас орнату жолдары бойынша пайдалы кеңестер алды.
Сонымен қатар, мамандар ерекше балалармен жұмыс істеудегі маңызды тәсілдермен бөлісіп, ата-аналардың сұрақтарына жауап берді. Ашық пікір алмасу алаңына айналған кездесуде қатысушылар өз тәжірибелерімен бөлісіп, бір-біріне қолдау білдірді.
Шара соңында қатысушылар мұндай тренингтердің қоғамдағы инклюзивті мәдениетті дамытуға және ата-аналарға рухани қолдау көрсетуге үлкен септігін тигізетінін атап өтті