Содействие укреплению женского з...
11 сентября, 2026
Туркестанская область
АРЫС ҚАЛАСЫНДА ОТБАСЫ КҮНІНЕ ОРАЙ ҚАЙЫРЫМДЫЛЫҚ АКЦИЯСЫ ӨТТІ
Отбасы күніне орай «Әділет» партиясы Арыс қалалық филиалы жанындағы Әйелдер қанатының мүшелері әлеуметтік қолдауды қажет ететін отбасыларға арналған қайырымдылық акциясын ұйымдастырды. Іс-шара барысында жалғызбасты және тұрмысы төмен отбасыларға азық-түлік себеттері мен күнделікті тұрмысқа қажетті заттар табысталып, жан-жақты қолдау көрсетілді.
Акцияның негізгі мақсаты – отбасы құндылықтарын дәріптеу, қоғамдағы өзара қамқорлық пен жанашырлықты нығайту, сондай-ақ көмекке мұқтаж жандарға қолдау білдіру.
Осындай игі бастамалар арқылы Әйелдер қанаты қоғамдағы әлеуметтік жауапкершілікті арттыруға және қайырымдылық мәдениетін дамытуға өз үлесін қосып келеді.
Бақытты отбасы – берекелі қоғамның кепілі!
