«Әйелдер қанаты – әр баланың нық қадамына қолдау!»
Акцияның негізгі мақсаты – әлеуметтік осал топқа жататын отбасылардың мектеп жасындағы балаларына қолдау көрсетіп, олардың жаңа оқу жылына қажетті оқу құралдарымен дайындалуына көмектесу.
«Әйелдер қанаты – әр баланың нық қадамына қолдау!»
Жаңа оқу жылы қарсаңында «Әділет» партиясы Бәйдібек аудандық филиалының ұйымдастыруымен «Мектепке нық қадаммен» атты қайырымдылық акциясы өтті.
Акцияның негізгі мақсаты – әлеуметтік осал топқа жататын отбасылардың мектеп жасындағы балаларына қолдау көрсетіп, олардың жаңа оқу жылына қажетті оқу құралдарымен дайындалуына көмектесу.
Игі бастамаға қолдау білдірген «Әділет» партиясы Бәйдібек аудандық филиалының «Шаян» БПҰ төрағасы, «Бәйдібек-несие» КС ЖШС басқарма төрағасы Әбілдәбек Жазылбек, сондай-ақ облыстық және аудандық мәслихат депутаттарының қолдауымен бірқатар отбасының балаларына мектеп сөмкелері, оқу құралдары мен кеңсе жабдықтары табысталды.
Баланың мектепке қуана баруы – ата-ана үшін үлкен бақыт. Ал осындай сәтте жанынан табылып, аз да болса қолдау көрсету – қоғамдағы мейірім мен жауапкершіліктің көрінісі.
«Әйелдер қанаты» ретінде біз балаға қамқорлық көрсету, отбасын қолдау және әлеуметтік жауапкершілікті арттыру бағытындағы игі бастамаларды әрдайым қолдаймыз.
Балалардың жүзіндегі қуаныш – бүгінгі акцияның ең үлкен нәтижесі.
Балаға берілген әрбір қолдау – оның ертеңіне жасалған инвестиция.
Бірге қолдайық, бірге қуантайық, бірге нық қадам басайық!