«Әйелдер қанаты – қоғамның дамуына үлес қосатын күш» кәсіпкер әйелдермен кездесу
«AMANAT» партиясы Жаңақорған аудандық филиалына қарасты «Орталық» бастауыш партия ұйымының ұйымдастыруымен «Әйелдер қанаты – қоғамның дамуына үлес қосатын күш» кәсіпкер әйелдермен кездесуі өтті.
Бүгін «AMANAT» партиясы Жаңақорған аудандық филиалына қарасты «Орталық» бастауыш партия ұйымының ұйымдастыруымен «Әйелдер қанаты – қоғамның дамуына үлес қосатын күш» кәсіпкер әйелдермен кездесуі өтті. Жиынды «Орталық» бастауыш партия ұйымының төрайымы Мамирова Алмагүл жүргізді. Аталған кездесудің мақсаты – әйелдер кәсіпкерлігінің қоғам дамуына қосатын үлесін айқындау, іскер әйелдердің кәсіби тәжірибесімен бөлісуіне жағдай жасау, сондай-ақ әйелдердің әлеуметтік-экономикалық белсенділігін арттыру мәселелері талқыланды.
Қазіргі қоғамда кәсіпкер әйелдер әлеуметтік-экономикалық дамудың маңызды қозғаушы күшіне айналып отыр. Олар жаңа жұмыс орындарын құру, әлеуметтік бастамаларды қолдау, тұрақты даму қағидаттарын ілгерілету арқылы қоғамның өркендеуіне елеулі үлес қосуда.