ӘЙЕЛДЕР ЛИДЕРЛІГІ- ТҰРАҚТЫ ДАМУДЫҢ НЕГІЗІ

“Аmanat” партиясы Кентау қалалық филиалы жанындағы “Әйелдер қанаты” ұйымының кезекті жиыны болып өтті. Аталған кездесудің мақсаты – әйелдердің көшбасшылық әлеуетін арттыру, қоғамдағы белсенді рөлін нығайту және тұрақты дамуға қосатын үлесін кеңінен насихаттау.

Жиынды қалалық әйелдер қанаты төрайымы Аяпбергенова Роза Мұратқызы жүргізді. Әйелдер қанатының тұрақты мүшелері жиналып, кездесу барысында әйелдердің қоғамдағы рөлі, көшбасшылық қабілетті дамыту, жеке даму мен тұрақты даму арасындағы байланыс туралы маңызды ойлар айтылды.

Спикерлер өз тәжірибелерімен бөлісіп, қатысушыларға шабыт пен жаңа серпін сыйлады.

Мұндай кездесулер әйелдердің белсенділігін арттырып, өзіне деген сенімін нығайтуға үлкен үлес қосады. Жиын соңында төрайым белсенді әйелдерге бірқатар ұсыныстар тастап, өзінің іс-шара жоспарымен бөлісіп, алдағы уақытта жоспарда әйелдер қанатының басым бағыттары бойынша жұмыс жүргізілетіндігін тілге тиек етті.